ټاکل شوې ده چې د افغانستان او آیرلنډ لوبډلې نن په بلفاست کې په درېیمه یو ورځینۍ مسابقه کې مخامخ شي.
دواړه لوبډلې ۵ یو ورځینۍ مسابقې کوي. د دوی ترمنځ لومړۍ سیالي د باران د اورېدو له کبله بې نتیجې لغوه شوه خو د جمعې په ورځ دوهمه سیالي د افغانستان لوبډلې د ۹۲ منډو په لوړ توپیر وګټله.
د افغانستان لپاره راشد خان د سیالې لوبډلې ۶ لوبغاړي وسوځول او تر ټولو ډېرې منډې ابراهیم ځدراڼ وکړې.
د آیرلنډ په کوربه توب د دې سیالیو درېیمه نن د افغانستان په وخت د ماسپښین په پنځلس باندې دوه بجې پیلېږي.