هغه په یوه ویډيویي پيغام کې د ایران " بې قید او شرطه " تسلیمېدل رد کړل، هغه څه چې د جمعې په ورځ یې د امریکا ولسمشر ډونالډ ټرمپ غوښتنه وکړه.
پزشکیان ویلي:" امریکا دې زمونږ د بې قید او شرطه تسلیمېدو خوب قبر ته یوسي".
پر ایران د اسراییل او امریکا له ګډو بریدونو وروسته ایران پر عربي هېوادونو بریدونه پيل کړل چې لمن یې اذربایجان ته هم ورسېده. ایران پر اذربایجان برید رد کړی دی.
د ایران ولسمشر ټینګار وکړ، هغه وخت به پر ګاونډیو برید وکړي، که د هغوی له خاورې پر توغندي وویشتل شي.
نن پر ایران د اسراییل او امریکا د بریدونو ۸مه ورځ ده.
د اسراییل پوځ نن اعلان کړی چې سهاروختي یې پر تهران د ۸۰ جنګي جیټونو پر مټ بریدونه کړي دي.
دوی خپل تازه هدفونه د ایران پوځي مرکزونه، د توغندیو د توغولو سیمې او په تهران کې نور ځایونه ښودلي دي.
د تهران مهراباد هوایي ډګر ته نژدې هم برید شوی دی.
ایران هم په ځواب کې نن سهار وختي د اسراییل پر تل ابیب ښار توغندي ور ویشتلي دي.
د اسراییل پوځ د ایران توغندي تایید کړي، خو ادعا یې کړې چې شنډ کړې یې دي.