دغه وزارت پرون سه شنبه ناوخته (دمارچ په ۴مه ) په خپله وېب پاڼه خپور کړي بیان کې ویلي، د ۱۵۲ غړو هېوادونو په ملاتړ دا مرکز (SDGs) به د پراختیایي او سیمه ییزو اړیکو لپاره پراخه نړیواله اجماع رامنځته کړي.
بیان کې راغلي، د دې مرکز د جوړولو وړاندیز د قزاقستان د ولسمشر قاسم جومارت توکایف لخوا د د ملګرو ملتونو په ۷۴ مه غونډې کې شوی و.
د قزاقستان د بهرنیو چارو وزارت ټینګار کړی چې قزاقستان به په دوامداره توګه د افغانستان سره مرستو، د سوداګریزو اړیکو پراختیا او سیمه ییزو همکاریو ته دوام ورکوي او د بیان په ټکو د دغه هېواد د خلکو ثبات او سوکالي د منځنۍ اسیا له امنیت او هوساینې سره مستقیمه اړیکه لري.
افغان پخوانی دیپلومات او د چارو شنونکی غوث جانباز د دې مرکز جوړېدل د افغانستان په ګټه او لوی فرصت بولي.
د دې لوی لوژستیکي او اقتصادي مرکز له لارې د نړیوالو پلانونو سمون رامنځته کېږي او د افغانستان په استقامت کې به کارول کېږي، دا ډېر لوی تاریخي او سیاسي ګام دیپخوانی دپیلومات غوث جانباز
نوموړي ازادي راډیو ته وویل، "د دې لوی لوژستیکي او اقتصادي مرکز له لارې د نړیوالو پلانونو سمون رامنځته کېږي او د افغانستان په استقامت کې به کارول کېږي، دا ډېر لوی تاریخي او سیاسي ګام دی او د سیمه ییزې دیپلوماسي د پراختیا لپاره ډېر لوی اهمیت لري، خو دا به د افغانستان په اوسنیو (سیاسي)شرایطو کې به ډېر اغېز ونه لري ځکه دا نړیوال هېوادونه طالبانو سره په تعاملاتو کې ګیردي نو هڅه کوي چې د سیاسي دیپلوماسي پر ځای اقتصادي اړیکې ورسره زیاتې شي".
د قزاقستان د بهرنیو چارو وزارت او په ملګرو ملتونو کې یې دایمي استازولۍ په خپلو بیانونو کې ویلي دا مرکز به د نړیوالو او سیمه ییزو هڅو د همغږيکولو، غوره وړاندیزونو شریکولو، تخنیکي مرستو چمتو کولو او د ګډو پروژو پلي کولو لپاره یو مهم پلټ فارم وي.
دغه شان په ټکو یې، د دې مرکز موخه به د ملګرو ملتونو د ادارو ترمنځ د همغږۍ پیاوړتیا، د سیمه ییزو اړتیاوو سره د نړیوالو نوښتونو تطبیق او د هر اړخیزو همکاریو هڅول وي.
د سیاسي چارو پوه عنایت الله اسحاقزی په دې باور دی چې ملګري ملتونه دا مرکز د یوناما د بدیل لپاره جوړوي ځکه په خبره یې دغه دفتر په افغانستان کې دننه په ازاد ډول فعالیت نه شي کولای.
یوناما ته په افغانستان کې د کار شرایط ډېر تنګ شوي، خو زه تصور نه شم کولای چې د دې مرکز جوړېدل به هم د افغانستان لپاره اغیزناکه وي، ځکه ستونزه دا ده چې طالبان هېڅ هغه څه نه منيسیاسي شنونکی عنایت الله اسحاقزی
"یوناما ته په افغانستان کې د کار شرایط ډېر تنګ شوي، خو زه تصور نه شم کولای چې د دې مرکز جوړېدل به هم د افغانستان لپاره اغیزناکه وي، ځکه ستونزه دا ده چې طالبان هېڅ هغه څه نه مني چې د دوی په کې واک نه وي او له افغانستانه بهر وي، نو د دې مرکز کار به د افغانستان لپاره د یوناما د فعالیت په توګه وي."
د طالبانو حکومت ویاند ذبیح الله مجاهد او د بهرنیو چارو وزارت مرستیال ویاند یې ضیا احمد تکل د دغه مرکز دجوړېدو په اړه د ازادي راډیو پوښتنې ځواب نه کړې.
په الماتا کې د دغه مرکز د جوړېدو خبره داسې مهال کېږي چې ټاکل شوې راتلونکې اوونۍ په افغانستان کې د خپل ماموریت د دوام په اړه پرېکړه وکړي.
ذبیح الله مجاهد د دوی تر کنټرول لاندې ملي راډیو ټلویزیون سره خپلو تازه خبرو کې په افغانستان کې د ملګرو ملتونو ماموریت بې ګټې بللی او ویلي یې دي د افغانستان اړوند یې نړۍ ته ناسم معلومات او ذهنیت ورکړی دی.
که څه هم تر اوسه یو هېواد هم د طالبانو حکومت په رسمیت نه دی پېژندلی خو د قزاقستان په ګډون د سیمې ډېری هېوادونه ورسره اقتصادي اړیکې پالي او ان ځینو هېوادونو کې یې طالبانو ته سفارت هم ورسپارلي دي.