د ازادو سیالیو افغان لوباړي باز محمد مبارز په تایلنډ کې خپل فرانسوي سیال ته ماتې ورکړه.
مبارز چې په تایلنډ کې اوسېږي، د "M2MMA" سازمان په پرونۍ سیالۍ کې د فرانسې "جوهان وان ډي هیل" ته په درېیو راونډونو کې د نومرو په توپیر ماتې ورکړه او له دې سره یې په ازادو سیالیو کې د خپلو بریاوو شمېر دوولسو ته ورساوه.
د هغه د ماتو شمېر ۶ دی.
د هغه فرانسوي سیال تر دې وړاندې څلور بریاوې او دوې ماتې ثبت کړې وې او دا یې درېیمه ماتې وه.