د افغانستان او ایرلنډ د کرکټ ملي ټیمونه نن خپله وروستۍ یا درېیمه یو ورځنۍ لوبه ترسره کوي.
د دوی لوبه د افغانستان په وخت په څلورو بجو د شارجې په میدان کې پيلیږي.
د افغانستان کرکټ بورډ ویلي چې لوبغاړو د ایرلند لپاره د وروستۍ لوبې په خاطر خپل تمرینونه کړي دي.
د افغانستان او ایرلنډ تر منځ دویمه لوبه د باران په سبب لغوه شوې وه، خو لومړۍ لوبه چې تېره پنجشنبه د مارچ په اوومه وشوه افغان ټیم پکې بریا خپله کړه.
تر یو ورځنيو لوبو وروسته به افغانستان له ایرلنډ سره درې شل اووریزې لوبې هم کړي چې تمه ده د ملي ټیم پيژندل شوی لوبغاړی راشد خان هم تر درې میاشتني ځنډ وروسته بېرته ټیم ته ستون شي.