د افغانستان د پارا تکواندو د ملي ټیم پخوانۍ لوبغاړې ذکیې خدای دادي د ۲۰۲۴ کال د المپیک سیالیو د غوراوي په سیالیو کې د سرو زرو میډال وګوټ.
اغلې خدای دادي چې اوس په اوس په فرانسه کې اوسي، د بلغاریا په پلازمېنه صوفیې کې خپلې روسۍ سیالې ته ماتې ورکړه او نه یوازې یې د پاریس المپیک سیالیو ته لاره ومونده؛ بلکې د سرو زرو میډال یې هم وګاټه.
هغې د جمعې په ورځ د دې میډال له ګټلو وروسته اعلان وکړ چې خپل میډال د ښځو د نړیوالې ورځې په مناسبت افغان ښځو ته ډالۍ کوي.
دې خپلې روسۍ سیالې کاراول شولبانا (Karaul Sholbana) ته ۱۴ پر ۱۶ ماته ورکړه.