د افغانستان د کرکټ ملي لوبډله نن ماښام له سریلانکا سره دویمه شل اووریزه لوبه کوي.
لومړۍ لوبه د شنبې په ورځ افغانستان بایلوده.
د کرکټ بورډ ویاند سیدنسیم سادات ازادي راډیو ته د پاتې لوبو په اړه وویل:
" لومړۍ لوبه سریلانکا ګټلې، مګر د افغان ټيم هڅه به دا وي چې پاتې دوه سیالۍ په خپل نوم کړي څو دا سیریز موږ دوه پر یو له سریلانکا څخه وګټو"
د افغانستان په ټیم کې مخکښ بالر راشد خان او مجیب الرحمن د ورپېښو ژوبلتیاوو په سبب نه دي شامل.
وروستۍ شل اووریزه لوبه چهارشنبه د دوو نورو لوبو په څېر د سریلانکا په دمبولا ښار کې ترسره کېږي.