د لاسرسۍ وړ لېنکونه

تازه خبر
جمعه ۳۱ وری ۱۴۰۳ کابل ۰۶:۴۰

کرکټ؛ افغانستان له عربي متحده اماراتو سره سیالۍ کوي


یو شمېر افغان کرکټ لوبغاړي
یو شمېر افغان کرکټ لوبغاړي

د افغانستان کرکټ بورډ ادارې ویلي دي چې د روانې ډسمبر میاشتې په وروستۍ اوونۍ کې به له عربي متحده اماراتو سره سیالۍ ترسره کړي.

په دې لوبلړۍ کې دوه نا رسمي یو ورځنۍ او درې شل اوریزې سیالۍ شاملې دي.

دا سیالۍ به د ډسمبر په ۲۵مه نېټه پيل شي او د نوي زیږدیز کال تر ۲یمې نیټې پورې به دوام وکړي.

افغان لوبډله به د ډسمبر په ۲۵مه او ۲۷مه نېټه لومړۍ له اماراتو سره دوه تمریناتي یو ورځنۍ سیالۍ ترسره کړي او بیا به د ډسمبر په ۲۹مه، ۳۱مه او د ۲۰۲۴ زیږدیز کال د جنورۍ په دویمه نېټه درې شل اوریزې سیالي ولوبوي.

کرکټ بورډ وايي، دغه سیالۍ د هغه هوکړه لیک له مخې ترسره کېږي چې تېر کال د افغانستان کرکټ بورډ او متحده عربي اماراتو د کرکټ ادارې ترمنځ لاسلیک شوی و.

د ویلو ده چې روان کال د دواړو هېوادونو ترمنځ د شل اوریزو سیالیو لومړنۍ لوبلړۍ افغانستان دوه د یو پر وړاندې ګټلې وه.

XS
SM
MD
LG