ملګرو ملتونو پرون په پاریس کې د ۲۰۲۴ کال د پسرلینو لوبو پرمهال د دودیز اوربند طرحه د روسیې له اعتراض سره سره تصویب کړه.
د المپیک پرمهال اوربند یو نوی مفهوم دی خو اساس یې د لرغوني یونان هغه دود دی چې هدف یې د سپورتي لوبو پرمهال د جګړه ییزو ښارونو له خوا ورزشکارانو ته د خوندي تګ راتګ ډاډمنول و.
د المپیک د نړیوالې کمېټې مشر توماس باخ دا طرحه د اوسني وخت لپاره تر بل هروخت مناسبه وبلله او د سپورت پر نړیوالو ادارو یې غږ وکړ چې روسي وګړو ته د بې پرې ورزشکارانو په څېر په سیالیو کې د ګډون اجازه ورکړي.
خو یوه روسي ډيپلومات وویل دا طرحه د منلو وړ نه ده.
د المپیک د لوبو پرمهال د اوربند طرحه د ملګرو ملتونو د ۱۹۳ غړو له ډلې ۱۱۸ تایید کړه، خو یوازې روسیې او سوریې ورته د رایو له ورکولو ډډه وکړه.