د کریکټ د پنځوس اوریز نړیوال جام په نیمه پایلوبه کې نن د جنوبي افریقا او استرالیا لوبډلې د سیالۍ ډګر ته ښکته کیږي.
د نننۍ لوبې ګټونکی ټیم به د یکشنبې په ورځ د نومبر په ۱۹مه د هند له لوبډلې سره په پایلوبه کې مخامخ کیږي.
د دغه نړیوال جام په لومړنۍ نیمه پایلوبه کې پرون هند نیوزلنډ ته ماتې ورکړې او پایلوبې ته یې لاره پیدا کړه.
د هند لوبډلې پرون نیوزلنډ ته د څلورو لوبغاړو په سوځیدو د ۳۹۸ منډو هدف ټاکلی و، خو نیوزلنډ دا هدف پوره نه کړ او هند په اویا منډو دغه لوبه ترې وګټله.