د افغانستان د کرکټ پيلیز لوبغاړي ابراهیم ځدراڼ د اسټرالیا پر وړاندې روانه سیالۍ کې تاریخ جوړ کړ.
هغه لومړنی افغان توپوهونکی شو چې د کرکټ په پنځوس اوریز نړیوال جام کې یې سلیزه ووهله.
تر دې دمه هېڅ بل افغان لوبغاړي په نړیوال جام کې سلیزه نه ده وهلې.
ښاغلي ځدراڼ د ۱۳۱ توپونو په لوبولو او ۷ څلوریزو وهلو سره ۱۰۱ منډې وکړې او لا هم توپوهنه کوي.
د افغانستان ملي لوبډلې هم په ۴۴ اورونو کې د ۴ وېکټو په سوځېدو سره ۲۱۶ منډې کړې دي.