د افغانستان د ښځو د والیبال ټیم چې په اسیایي لوبو کې د ګډون لپاره چین ته تللی، د تمرین پرشرایطو خواشیني څرګنده کړي او ویلي یې دي چې ښایي لوبغاړي د لوبو لپاره چې پرافغانستان د واکمنو طالبانو له بندیز څخه د سرغړونې په ترڅ کې یې ترسره کوي، چمتونه شي.
د رویترز خبرې اژانس د راپورله مخې، د افغانستان د والیبال د پروګرام مشر خوشحال ملکزي وویل چې ټیم یې د پنجشنبې په ورځ هانګژو ته رسیدلی خو تراوسه یې په میدان کې تمرین ندی کړی او د لوبغاړوتمرین یوازې په جیم پورې محدود شوی دی.
د دغو لوبو تنظیمونکو ویلي، چې د افغانستان او د ځینو نوروهیوادونود ټیمونو لپاره د تمریناتو امکانات د چمتو کیدو په حال کې دي.
په دغو لوبو کې د افغانستان سل لوبغاړي برخه لري، چې د راپورونو له مخې اولس یې ښځې دي چې له افغانستانه بهردي لوبو ته ورپیژندل شوي دي.