د اسیا رګبي ادارې د رپوټ له مخې د افغانستان د رګبي اووه کسیزه لوبډله په D ګروپ کې له چین، عربي متحده اماراتو او نيپال سره یوځای ده، چې خپلې دوه سیالۍ یې وبایللې.
دغه سیالۍ چې نن د چین په هانګزو ښار کې ترسره شوې د افغانستان د رګبي لوبډلې د چین پر وړاندې صفر د ۵۲ او د اماراتو پر مقابل کې بیا ۵ د ۳۱ پر وړاندې ماتې وخوړه.
افغانستان بیا خپله درېیمه سیالي له نیپال ۴۱ د صفر په مقابل کې وګټله.
تر یادې بریا وروسته افغان لوبډلې د دې چانس پیدا کړ چې له نهم څخه تر دولسم مقامه پورې ځای ونیسي.
دا په داسې حال کې ده چې د افغانستان د رګبي ملي لوبډلې په ۲۰۱۸ کال کې د اندونیزیا په کوربتوب په اسیايي سیالیو کې اماراتو ته ۳۶ د صفر پر وړاندې ماتې ورکړې وه.
دغه راز د نهم مقام د ترلاسه کولو په موخه یې په یاد کال کې د پاکستان، اندونیزیا او عربي متحده اماراتو ته هم ماتې ورکړې وې او یاد مقام یې ګټلی و.