د اسیا جام سیالیو په ترڅ کې د افغانستان او بنګله دېش ترمنځ سیالي پیل شوې ده.
بنګله دېش پچه وګټله او د توپ وهنې پرېکړه یې وکړه.
دغه سیالي د پاکستان د لاهور ښار په قذافي لوبغالي کې جریان لري.
په ننۍ سیالۍ کې د افغانستان په ۱۱- کسیزه لوبډله کې رحمن الله ګربز، ابراهیم ځدراڼ، رحمت شاه، حشمت الله شهیدي، نجیب اللهځدراڼ، محمدنبي، کریم جنت، ګلبدین نایب، راشدخان، مجیب الرحمن او فضل حق فاروقي لوبه کوي.
د بنګله دېش لپاره بیا محمدنعیم، مهدي حسن میراز، نجم الحسین شانتو، شکیب الحسن، توحید رېدوی، مشفق الرحیم، شمیم حسین،عفیف حسین، تسکین احمد، شریف الاسلام او حسن محمود نن لوبه کوي.
د ویلو ده، چې دا په روان اسیا جام کې د افعانستان لومړۍ سیالي ده او بنګله دېش بیا خپله لومړۍ لوبه بایللې ده.
که ننۍ سیالي افغانستان وګټي، نو د ۴ غوره لوبډلو پړاو ته به لار پیدا کړي.