د هندوستان غوره لیګ یا ای پي ایل په ۳۵مه سیالۍ کې ګجرات ټایټانز د ممبي اینډینز لوبډلې ته په ۵۵ منډو ماتې ورکړه.
ګجرات لوبډلې د ۲۰۸ منډو هدف ټاکلی و او ممبي یې په ځواب کې ۱۵۲ منډې وکړې.
په دې سیالۍ کې چې د سې شنبې په ماښام ترسره شوه، دوه افغان لوبغاړو راشدخان او نوراحمد هم د ګجرات په بریا کې مهم رول ولوباوه او ۵ لوبغاړي یې وسوځول.
راشدخان چې په دې لوبه کې ۲ وېکټې ترلاسه کړې، په روانو سیالیو کې یې د وېکټو مجموعه ۱۴ ته لوړه شوه او تر ټولو توپ اچونکو مخکې شو.
بل افغان لوبغاړي نوراحمد بیا تر دې دمه په درېیو سیالیو کې ۶ لوبغاړي سوځولي دي.
د ویلو ده چې د ای پي ایل لیګ ۳۶مه سیالي به د چهارشنبې په ورځ د رایل چیلینجرز بنګلور او کلکته نایټ رایډرز ترمنځ ترسره شي.