بنګلهدېش په دویمې شل اوریزې سیالۍ کې هم انګلستان ته ماتې ورکړه او په دې سره یې له ۳ سیالیو دوه وګټلې.
د یکشنبې په ورځ د مارچ په ۱۲مه نېټه انګلستان په دویمې شل اوریزې سیالۍ کې لومړی توپ وهنه وکړه او د ۱۱۸ منډو هدف یې کېښود.
د دوی په توپ وهونکو کې بین ډکېټ تر نورو زیاتې ۲۸ منډې وکړې.
مهدي حسن میراز د انګلینډ ۴ لوبغاړي وسوځول.
بنګلهدېش ورکړل شوی هدف د ۶ وېکټو په تاوان په ۱۹م اور کې پوره کړ او په دې سره یې لوبلړۍ وګټله.
د بنګال په توپ وهونکو کې بیا هم نجم الحسین شانټو ښه وځلېد او ۴۶ ناسوځېدلې منډې یې وکړې.
مهدي حسن چې د ۴ وېکټو اخيستلو ترڅنګ یې ۲۰ منډې هم کړې وې د لوبې غوره لوبغاړی ونومول شو.
د ویلو ده چې دواړه هېوادونه به درېیمه شل اوریزه سیالي د روانې میاشتې په ۱۴مه نېټه کوي.