د بنګله دېش په چټوګرام ښار کې انګلستان د ۳ شل اوریزو سیالیو لومړۍ لوبه د ۶ ویکټو په توپیر خپل مېلمه ته وبایلله.
دغه سیالي چې د مارچ په نهمه نېټه ترسره شوه انګلستان لومړۍ توپ وهنه وکړه او د ۱۵۷ منډو هدف یې وټاکه.
د انګلستان لوبډلمشر جاس بټلر په دې سیالۍ کې ۶۷ او پیل سالټ بیا ۳۸ منډې وکړې.
د بنګله دېش د توپ اچونکو له ډلې حسن محمود ۲ ویکټې واخیستې.
بنګالۍ لوبډلې ورکړل شوی هدف د ۴ ویکټو په سوځېدو په ۱۸م اور کې پوره کړ.
دوی ته نجم الحسین شانټو ۵۱ منډې وکړې او د لوبې غوره لوبغاړی ونومول شو.
دغه راز لوبډلمشر شکیب الحسن بیا ۳۸ منډې جوړې کړې.
که څه هم په دې لوبه کې انګلستان ته ۷ توپ اچونکي و ازمایل شول، خو یو یې هم ښه ونه ځلېد.
دواړه لوبډلې به دویمه شل اوریزه سیالي د مارچ په ۱۲مه نېټه د بنګله دېش په میرپور ښار کې پیلوي.
د ویلو ده چې د یو ورځنیو لوبو لوبلړۍ ۲ـ۱ انګلستان ګټلې وه.