د افغانستان یوه رزمي لوبغاړي فریدبشارت په یو اف سي سازمان کې خپل امریکایي سیال مات کړ.
دا په یو اف سي معتبره سازمان کې د فرید بشارت لومړۍ لوبه وه.
د بشارت او دامون بلکشیر لوبه د یو اف سي ۲۸۵ دورې په لړ کې بېګا د امریکا په لاس ویګاس ښار کې وشوه.
بشارت په دریو رونډونو کې د نمرو په توپیر امریکایی لوبغاړی دامون بلکشیر ته ماتې ورکړه.
بشارت تر دې دمه لس لوبې کړي چې ټولې یې ګټلي.
په فریدبشارت سربېره د هغه ورور جاوید بشارت هم څو واره په یو اف سي کې لوبېدلی او تر دې دمه یې په ۱۴ لوبو کې هېڅ ماته نه ده خوړلې.
یو اف سي د نړۍ په کچه د ګډو رزمي لوبو معتبره او لومړی درجه سازمان بلل کېږي.