د تورخم لار، چې شاوخوا ۵ ورځې وړاندې د طالبانو حکومت بنده کړې وه، پرون بېرته پرانیستل شوه خو، له څو ساعتونو وروسته پاکستان وتړله.
تورخم د افغانستان او پاکستان ترمنځ د تګ راتګ او ترانزیت تر ټولو مهمه لار ګڼل کېږي.
د دې لارې د بندېدو له کبله سلګونه کانتینره دواړو خواو ته انتظار ولاړ دي.
عصمت څاروان د تورخم دروازې د بندېدو له کبله سوداګرو ته د مالي تاوانونو او د دواړو هېوادونو پر سوداګرۍ د هغه د اغېز په اړه د افغانستان د سوداګري خونو او پانګونې له مرستیال خان جان الکوزي سره مرکه کړې او لومړی یې ورڅخه پوښتلي چې د تورخم د بندېدو له کبله افغان سوداګرو ته څومره زیان اوښتی دی؟
دا مرکه د لاندې غږيز فايل په کېکاږلو اورېدلی شئ:
