د طالبانو تر ولکې لاندې روغتیا وزارت وايي، د افغانستان په ۲۲ ولایتونو کې یې د ګوزڼ یا پولیو ضد واکسین فرعي کمپاین پیل کړی.
ویل شوي په دې کمپاین کې به په ۱۹۴ولسوالیو کې شا و خوا ۶ ملیونه ماشومان واکسین شي.
په اوس وخت کې افغانستان او پاکستان هغه دوه هېوادونه دي چې تر اوسه پولیو پهکې له منځه نهده وړل شوې.
د ماشومانو د ملاتړ لپاره د ملګرو ملتونو مرستندوی صندوق یا یونېسف له خلکو غوښتي چې خپل ماشومان د پولیو په وړاندې واکسین کړي.
زموږ همکار، صالح محمد صالح د عمومي داخلې له متخصص، ډاکټر فریدون ځدراڼ څخه د مرکې په پیل کې پوښتنه کړې، په افغانستان کې ولې لا هم د ګوزڼ یا پولیو ستونزه ختمه شوې نهده؟
د ډاکټر فريدون ځدران مرکه د لاندې غږيز فايل په کېکاږلو اورېدلی شئ:
