د لاسرسۍ وړ لېنکونه

تازه خبر
سه شنبه ۲۵ زمری ۱۴۰۱ کابل ۱۱:۱۳

نوین الحق په انګلستان کې د غوره بالر په توګه د اعزاز خولۍ ترلاسه کړه


نوین الحق

د افغانستان د کرکټ د ملي ټیم لوبغاړي نوین الحق د انګلستان په شل اوریزو لوبو کې د خپل کلب له مشرانو د غوره بالر په توګه د اعزاز خولۍ ترلاسه کړه.

هغه چې د انګلستان د شل اوریزو لوبو ویټاليټي بلسټ په سیالیو کې د لیسټرشایر په ګټه لوبیږي تر دې دمه ۱۴ لوبو کې ۲۳ وېکټې اخیستي.

نوین تر دې دمه د یادو شل اوریزو سیالیو مخکښ ویکټ اخیستونکی هم دی.

ده تېر کال هم په یادو لوبو کې تر ټولو زیات لوبغاړي اوټ کړي وو.

نوین د لیسټرشایر څخه د ویاړ په پار د ګولډ فاکس خولۍ له ترلاسه کولو وروسته پرون په خپل فېسبوک لیکلي، چې په دې لاسته راوړنې ډېر خوشاله دی او له ټولو چې ورسره همکار پاتې شوي مننه کوي.

XS
SM
MD
LG