د طالبانو د حکومت د ملکي هوایي چلند د چارو چارواکي وایي، د کابل په ګډون یو شمېر نړیوال هوایي ډګرونه د نړیوالو عادي الوتنو پیلېدو ته د چمتو کیدو په حال کې دي.
دوی هیله من دي چې تر یوې یا دوو میاشتو پورې به د کابل هوایي ډګر ته بېرته د هغو نړیوالو شرکتونو عادي الوتنې پیل شي چې د تېر کال د اګست له پنځلسمې مخکې یې دې ډګر ته الوتنې کولې.
نوریاس نوري د طالبانو د حکومت د ټرانسپورټ وزارت د ملکي هوایي چلند له عملیاتي مرستیال غلام جیلاني وفا سره مرکه کړې او لومړی یې ترې پوښتنه کړې چې هغه قرارداد چې تاسو په دې وروستیو کې د اماراتو له یوې کمپنۍ سره لاسلیک کړی، دا کمپنۍ به کوم خدمات سرته رسوي؟
