د نړۍ د تنس تر ټولو غوره لوبغاړي نواک جوکوویچ دا پریکړه وغندله چې د روسیې او بیلاروس لوبغاړو ته اجازه نه ورکوي چې د ویمبلډن په تنس لوبو کې ګډون وکړي.
پرون پریکړه وشوه چې د ویمبلډن په لوبو کې پر اوکراین د روسیې د برید لپاره پر روسیي او بیلاروسیي لوبغاړو بندیز ولګوي.
د ویمبلډن پر دې پریکړه د نړۍ د نارینه او ښځینه تنس لوبغاړو بنسټونو هم اعتراض کړی دی.
ټاکل شوې ده چې د ویمبلډن تنس لوبې د جون په اووه ویشتمه پيل شي او د جولای په لسمه پای ته ورسیږي.