د لاسرسۍ وړ لېنکونه

تازه خبر
دوشنبه ۱۰ سلواغه ۱۴۰۱ کابل ۰۹:۲۲

په افغانستان کې '۱۹۷۰' ښځینه خبریالانو او رسنیز کارکوونکو خپلې دندې له لاسه ورکړي  


په افغانستان کې د یوې رسنۍ کارکوونکې

افغانستان د ازادو ژورنالیستانو ټولنې په هغه ناسته کې چې د ښځو د پیوستون د نړیوالې ورځې په پار جوړ شوې وه وویل چې افغانستان کې د طالبانو له واکمنېدو وروسته له '۲۳۹۸' ښځینه خبریالانو له ډلې '۱۹۷۰' خبریالان او رسنیز کارکوونکو خپلې دندې له لاسه ورکړې دي.

د دغه انجمن مرستیال، اسماعیل سادات ازادي راډیو ته وویل:" د افغانستان د خپلواکو ژورنالیستانو ټولنه، د رسنیزو کارکوونکو د راتلونکې په تړاو اندېښنه لري. موږ له اسلامي امارته غواړو هغه محدودیتونه یې چې د رسنیو د ښځینه کارکوونکو پر وړاندې وضع کړي، لیرې کړي، په ځینو مواردو کې اطلاعات او فرهنګ د ښځینه خبریالانو د کار په پر وړاندې خنډ رامنځته کړي دي."

سهیلا اته کاله خبریالي کړې ده.

نوموړې وایي، د امنیتي او ټولنیزو ستونزو له کبله یې ونشول کړای، خپلې دندې ته دوام ورکړي.

سهیلا چې اوس خپله دنده پریښې وایي، د ښځینې خبریالانو د کار د دوام لپاره شرایط سخت شوي دي.

سهیلا وایي:" له شپې مې تر سهاره زده کړې وکړې، هیله مه په حقیقت بدله شوه، پوهنتون ته مې لاره وموندله، هم مه زده کړې کولې او هم مه کار کوه. غوښتل مه د ښځو درد او غږ ورسوم. خو له بده مرغه اوس شرایط داسې شوې چې نشو کولای دوام ورکړو، خو زه قوي یمه او هېڅ څه هم زما د کار پر وړاندې ستونزه نشي جوړولای."

افغانستان کې ځینۍ ښځینه خبریالانې
افغانستان کې ځینۍ ښځینه خبریالانې

سحر بله افغان خبریاله ده چې یو ولایت کې د یوې سیمه ییزې راډیو مسؤله وه.

نوموړې وایي د اقتصادي او امنیتي ګواښونو له کبله یې خپله رسنۍ وتړله.

امنیتي ګواښونه، اقتصادي ستونزې او د طالبانو له خوا وضع شوې محدودیتونه د افغان خبریالانو او رسنیز کارکوونکو د وزګارېدو لاملونه ګڼل کېږي.

هڅه مو وکړه چې په دې تړاو د طالبانو حکومت د چارواکو لیدلوری هم ترلاسه کړو خو په دې کار بریالي نشو او دغه چارواکو زموږ پوښتنو ته ځواب رانکړ.

خو د طالبانو حکومت د امر بالمعروف او نهی عن المنکر وزارت وایي، په یو سپارښت لیک کې یې د ښځینه خبریالانو او نطاقانو د حجاب په مراعاتولو ټینګار کړی دی.

مخکې تر دې، د طالبانو حکومت د ویاند مرستیال بلال کریمي زادي راډیو ته ویلي و چې د رسنیو فعالیتونه به د ملي او اسلامي ګټو پر بڼسټ تنظیم شي.

XS
SM
MD
LG