د لاسرسۍ وړ لېنکونه

تازه خبر
جمعه ۶ غبرګولی ۱۴۰۱ کابل ۰۳:۴۶

کابل کې د پولیسو له اکاډمۍ۳۷۷ افسرانو خپل د لېسانس دورې سندونه ترلاسه کړل


د فراغت مراسم

د ۳۷۷ پولیسو افسرانو د فراغت ۱۱مه دوره،هغه افسران چې تېر حکومت کې یې څلور کاله زده کړې وکړې، خو د شنبې په ورځ د طالبانو د حکومت له خوا، له زده کړو فارغ شول.

د طالبانو حکومت چارواکي دې مراسمو کې ډاډ ورکر چې دغو افسرانو ته به مصؤن چاپیریال او کاري زمینه برابره کړي.

د طالبانو حکومت د کورنیو چارو وزارت سرپرست سراج الدین حقاني چې د لومړي ځل لپاره د رسنیو پر وړاندې راڅرګند شو، په دې تړاو وویل: "موږ دوی ته ډاډ ورکوو چې تاسې د دې ملک بچیان یئ، د دغه ملک خدمت دا زموږ او تاسو شریکه وجیبه ده، تاسو سره مو چې کومه ژمنه کړې، د هغې په نتیحه کې مشران به ستاسو د خدمت او ستاسو د حقوقو د تاسو د امنیت دفاع وکړو."

د طالبانو حکومت د کورنیو چارو وزارت سرپرست سراج الدین حقاني
د طالبانو حکومت د کورنیو چارو وزارت سرپرست سراج الدین حقاني

په همدې حال کې د مخکیني حکومت د پولیسو یو شمیر افسران ادعا کوي چې د طالبانو له حاکمیت وروسته، یو شمېر امنیتي او اقتصادي ستونزو سره مخ شوي دي.

د پولیسو یو افسر چې د د موضوع د حساسیت له کبله نه غواړي نوم یې دې راپور کې واخېستل شي ازادي راډیو ته وویل چې د طالبانو د حاکمیت په لومړیو درې میاشتو کې د طالبانو په غوښتنې خپل کار ته دوام ورکړ، خو دې موده کې یې هېڅ کوم ډول امتیاز نه دی ترلاسه کړی او یو شمېر ګواښونو سره هم مخ شوی.

دی وايي: "موږ درې میاشتې په افغانستان کې وو، طالبانو دعوت راکړ چې راشئ او خپلو دندو ته راوګرځئ، ما هم درې میاشتې له طالبانو سره دنده ترسره کړه، خو په دې درې میاشتو کې راته چا کوم امتیاز رانه کړ. آن دا چې ډېرې پلټنې راڅخه وکړې او افغانستان کې ژوند راته سخت شو، نو ځکه له افغانستان ووتمه او اوس ایران کې یمه."

د پولیسو دغه افسر وایي، که ورته د کار زمینه برابره شي او یو مصؤن چاپیریال وي چمتو دی چې بېرته خپلې دندې ته وګرځي.

په داسې حال کې چې طالبانو افغانستان کې د حاکمیت له پیل وروسته، عمومي بښنه اعلان کړه، خو په وار-وار د مرموزو هدفي وژنو او د مخکیني نظام د امنیتي ځواکونو د بندي کولو په تړاو راپورنه خپاره شوي دي.

د دغه ستونزو له امله یو شمېر مخکیني نظامیانو د طالبانو له ویرې بهر ته تللي او یو شمېر نور په کور دي او یا ازاد کارو بار کوي.

XS
SM
MD
LG