د بنګله دېش کرکټ بورډ پرون چهارشنبې وویل، د افغانستان د کرکټ د لوبغاړو د کرونا دوهم ټېسټ وښوده چې دغه هېواد ته د ۸ واړو رسېدلیو لوبغاړو ازمېښت منفي دی.
تر دې یوه ورځ وړاندې د ۸ افغان لوبغاړو او د هغو د ۳ اداري کارکوونکو د کرونا ټېست مثبت ښودل شوی و.
ټاکل شوې ده چې د افغانستان او بنګله دېش د کرکټ لوبډلې درې یو ورځینۍ او دوې شل اوره سیالۍ وکړي.
د بنګله دېش کرکټ بورډ وايي، دې ته په پام چې د ټولو افغان لوبغاړو د کرونا ټېست منفي دی، دوی به کولای شي چې له نن پنجشنبې څخه تمرین پیل کړي.