د هندوستان د کرکټ لیګ ( IPL ) د پنځلسم پړاو د لوبغاړو د پېرلو پروسه د څلور افغانانو په اخیستلو سره تېره ورځ ناوخته پای ته ورسېده.
د ورزشي اژانسونو د راپورونو له مخې، محمد نبي، راشد خان، فضل الحق فاروقي او نور احمد لکڼوال هغه څلور افغان لوبغاړي دي چې سږکال به په دې لیګ کې د افغانستان استازيتوب کوي.
یاد لیګ ته شااوخوا ۵۹۰ لوبغاړو نوم لیکنه کړې وه چې له دې ډلې د لسو لوبډلو لپاره ۲۰۴ لوبغاړي واخیستل شول.