په هرات ولایت کې د سوک وهنې سیالۍ ترسره شوې.
د هرات د بدني روزنې او ورزش ادارې فني مدیر ضیاالحق ضیا نن یکشنبه (د مرغومي ۲۶مه) ازادي راډیو ته وویل، دا سیالۍ چې نن سهار پیل شوې او له غرمې وروسته پای ته ورسېدې، ۷۵ لوبغاړو په کې د تنکیو ځوانانو، ځوانانو او لویانو په کټګورۍ کې ګډون کړی وو.
ښاغلی ضیا د دې سیالیو هدف د سوک وهنې په برخه کې د ځوانانو د مهارتونو لوړول بولي.
د دې سیالیو په پای کې د لومړي مقام ګټونکي طارق رضايي، د دوهم مقام ګټونکي نوید احمدي او د درېیم مقام ګټونکي نورالله ته مډال او ستاینلیکونه هم ورکړل شول.