د لاسرسۍ وړ لېنکونه

تازه خبر
پنجشنبه ۱۸ لیندۍ ۱۴۰۰ کابل ۰۱:۴۳

کابل کې یو‌ شمېر افغان هزاره‌ګانو د طالبانو حکومت ملاتړ اعلان کړ


ارشیف، یو شمېر افغانان او د طالبانو بیرغ

په داسې حال کې چې اکثره افغان هزاره‌ګانو په وار وار پر افغانستان د طالبانو له واکمنېدو مخکې او وروسته د خپل ژوند د امنیت په اړه اندېښنې ښودلي، خو یو شمېر شیعه هزاره‌ګانو نن په کابل کې د طالبانو د حکومت په ملاتړ سره راغونډ شوي وو.

دا غونډه چې د پنجشنبې په ورځ «۱۴۰۰ کال د لیندۍ ۰۴» د کابل په دشت برچي سیمه کې چېرې چې ډېری هزاره وګړي ژوند کوي جوړه شوې وه، د پوهنتون استاد جعفر مهدوي چې ځان د هزاره‌ګانو یو استازی بولي وویل چې دوی د طالبانو له راتګ هرکلی کوي او ورته خوښ دي.

جعفر مهدوي وایي د تېر حکومت نه تر اوسه دغه قوم له محرومیتونو سره مخ و او ګڼې قربانۍ یې ورکړې دي.

ښاغلی مهدوي زیاتوي: "هزاره خلک تل د تاریخ په لړ کې د افغانستان د محروم قوم په توګه د تعبیض او بې‌عدالتیو قرباني وو او له زیاتو مصیبتونو سره مخ شوي دي، له ۲۰۱۴ کال راپدېخوا په دولتي او حکومتي جوړښت کې یې یوازې یوه سلنې ته کچه ور رسېده."

جعفر مهدوي
جعفر مهدوي

په دې ناسته کې د طالبانو د حکومت ویاند او د اطلاعاتو او فرهنګ وزارت مرستیال ذبیح‌الله مجاهد هم ګډون کړی و.

ښاغلي مجاهد د ناستې ګډونوالو ته وویل که قومي مشران او خلک خپل ملي یووالی وساتي، د هېواد اوسنۍ اکثره ستونزې به حل شي.

ښاغلي مجاهد په دې ناسته کې ټینګار وکړ چې په افغانستان کې جګړه ختمه شوې او له دې وروسته به طالبان د هېواد د رغولو په برخه کې کار کوي.

د طالبانو د حکومت دغه چارواکي خلکو ته ډاډ ورکړ چې تر شپږو میاشتو به د ټولو سترو ملي پروژو په پلي کولو سره د هېواد اقتصاد په پښو ودروي.

ښاغلی مجاهد وايي: "د افغانستان اسلامي امارت له خلکو غواړي چې له موږ سره دې حوصله وکړي، ژمنه کوم اوس چې د امریکا د اشغال پر وړاندې زموږ ستر جهاد پای ته رسېدلی له دې وروسته د خپل هېواد د جوړولو جهاد به پیلوو."

ذبیح‌الله مجاهد
ذبیح‌الله مجاهد

یو شمېر هزاره‌ګانو داسې مهال له طالبانو خپل ملاتړ اعلان کړ چې ځیني عام هزاره‌ګان وایي لا یې هم وېرې پر ځای دي او د ژوند د خوندیتوب په اړه خورا اندېښنه لري.

له دې ډلې د کابل ښار اوسېدونکي حسین رحیمي او محمد اصف لعلي تازه روېټرز خبري اژانس ته ویلي: "دا طبیعي خبره ده چې لا هم وېره شته، زه خپله هم وېرېږم او کورنۍ مې هم کله چې جومات ته ځو لومړی مو خپله کلمه وایو، ځکه کور ته د بېرته راګرځېدو هیله مو نه‌وي."

"په هر لحاظ ډارېږو ان دا چې ډېر کله زه له کوڅو بهر ځم سړکونو نه‌وېرېږم، تل هڅه کوم چې فرعي لارو نه تېر او بېر شم ځکه هره شېبه دا وېره راسره وي چې په کوم سړک کې انتحاري ونه‌شي."

دا خلک داسې مهال د خپل امنیت په اړه اندېښنه څرګندوي چې په وروستیو کې په دې افغان توکمو بمي حملې زیاتې شوې دي.

ارشیف، کندز کې د شیعه هزاره‌ګانو یو جومات چې په‌کې ځانمرګی برید شوی و
ارشیف، کندز کې د شیعه هزاره‌ګانو یو جومات چې په‌کې ځانمرګی برید شوی و

په کندز ، کندهار او څو نورو ولایتونو کې د شیعه‌ګانو پر جوماتونو خونړۍ حملې چې مسؤلیت‌يې داعش وسله‌والې ډلې ومانه د یادولو وړ دي.

د تېر جمهوري حکومت د چارواکو نیوکې تل دا وې چې طالبانو په جګړو او نا امنیو نورو ترهګرو ډلو ته د حملو زمینه برابره کړې وه.

XS
SM
MD
LG