د جاپان حکومت له کرونا وبا د زیانمن اقتصاد د سمولو لپاره د لګښتونو ۴۹۰ میلیارده ډالریزه بودجه اعلان کړه.
دا له تېر کاله چې کرونا پهکې اوج ته ورسېده د لګښتونو د پوره کولو لپاره د جاپان درېیمه مالي بسته ده.
د جاپان صدراعظم فومیو کېشیدا د لګښتونو لپاره د بودجې د اعلان پر مهال وویل چې دا پيسې د جاپان خلکو ته د خوندیتوب او هیلې د حس د ورکولو لپاره کافي دي.
د لګښتونو لپاره په دې جلا شویو پیسو سره به د یو لړ اقداماتو لار هواره شي ځکه جاپان له هغه څه چې اټکلیې کاوه ډېر د 'کووېډ-۱۹' په وروستنۍ څپه کې زیانمن شوی او سوداګرۍ پهکې اغېزمنې شوي.
جاپان داسې وخت په دومره لویه اندازه د لګښتونو لپاره بودجه ځانګړې کړې چې وروستۍ څو میاشتې د ډېرو خلکو په واکسینېدو سره د 'کووېډ-۱۹' مثبتې پېښې تر ډېره بریده کمې شوي.
خو منتقدین بیا د جاپان د حکومت دا کار د پیسو ضایع کول یاد کړي ځکه د دوی په باور یو شمېر لویو اقتصادونو د 'کووېډ-۱۹' په خاطر ځانګړې شوې بودجې او مالي پالېسیانې ورو ورو بېرته ټولې کړي.