د پاکستان صدراعظم عمران خان چې یو وخت د پاکستان د کرکټ د ملي لوبډلې کپټان و، پر ټویټر د افغانستان او پاکستان د کرکټ لوبډلو د تېرې شپې لوبې په تړاو لیکلي چې افغان لوبډلې په زړه پورې سیالۍ وکړه.
عمران خان لیکلي، د افغانستان د کرکټ په څېر داسې لوبډله یې نه ده لیدلې چې په دومره چټکۍ سره په نړیوال کرکټ کې خپل ځان ته ځای پیدا کړي.
افغانستان د کرکټ د شل اوورونو په نړیوال جام کې پرون خپله لوبه پاکستان ته د پنځو وېکټو په توپیر وبایلله.
د افغانستان بله لوبه سبا له نامیبیا سره ده.