یو شمېر کروندګر، بڼوال او مالداران وایي چې کرنې وزارت ته د عشر او زکات د ورکړې توان نهلري.
دوی ادعا کوي چې طالبانو د دوی کلیو او باڼډو ته د یو مکتوب په استولو سره، ورنه غوښتي چې د دوی حکومت ته عشر او زکات ورکړي.
دوی د دغې نوې طرحې ته په غبرګون کې چې احتمال شته له مخې یې له دوی عشر او زکات ټول شي، ازادي راډیو ته وویل، د طالبانو حکومت باید د دې طرحې په ځای له کروندګرو د ملاتړ لپاره په پروګرامونو کار وکړي.
۲۸ کلن سمېعالله چې د کاپیسا ولایت د خم زرګر په کلي کې ۸ جریبه ځمکه لري، ازادي راډیو تهیې وویل، د پخوا په پرتله د کیمیاوي سرې بیه لوړه شوې او د ځمکو حاصل هم کم شوی، نو حاضر نهدي چې کرنې وزارت ته عشر او زکات ورکړي.
سمېعالله زیاتوي: "یوه بورۍ کیمیاوي سره څلور زره افغانۍ ده او کله چې دا حساب کړو، نو بزګر ته هېڅ هم نهپاتې کېږي، یوازې ستوماني او بس. تر کومه چې د کیمیاوي سرې په قیمت کې کموالی رانهشي او د بزګرو لپاره یو منظم پروګرام نهوي، موږ د عشر ورکړې ته چمتو نهیو."
د ننګرهار ولایت د شېرزادو په ولسوالۍ کې بیا مالدار عزت وایي، تېر کالیې په ډېره لوړه بیه څاروي پېرلي و، خو سږ کال اړ شو چې په ډېره ټیټه بیهیې بېرته وپلوري.
نوموړي ازادي راډیو ته وویل چې په اوسنیو شرایطو کې د عشر او زکات د ورکړې توان نهلري.
عزت وايي: "تېر کال مې چې کله څاروي وپېرل قیمته وو او بوس ارزانه، خو سږ بیا بوس ګران او څاروي ارزانه دي. موږ د هر څاروي په سر له ۷ تر ۱۰ زرو زیان وکړ او بل لور ته وچکالۍ هم ده. موږ به عشر له کومه کړو، موږ تباه شوو."
په ورته وخت کې، د کابل د شکردرې ولسوالۍ اوسېدونکی ګل اغا چې په بڼوالۍ بوخت دی ازادي راډیو تهیې وویل، طالبان باید د عشر د راټولولو لپاره لومړی د کار او کښت او د حاصلاتو د معیاري راټولولو زمینه برابره کړي.
ګل اغا وویل: "وايي چې له څلور برخو څخه یوهیې باید دولت ته ورکړئ، لومړی خو دا چې باید یو ځانګړی قانون او دفتر ولري، څو د دولت خرانې ته تحویل شي او بېرته ییا ترې کښت او کار او کروندګرو ته ترې د برداشت زمینه برابره شي."
د طالبانو د حکومت د کرنې، مالدارۍ او اوبو لګولو وزارت مسؤلان په دې اړه ولایتونو، ولسوالیو او کلیو ته د مکتوب د لېږلو موضوع ردوي، خو وايي چې له کروندګرو، بڼوالو او مالدارانو د عشر او زکات راټولو په طرحه لا هم کار روان دی.
دغه وزارت تېره پنجشنبه د یوې اعلامیې په خپرولو سره ویلي چې د عوایدو د راټولولو اوپر ځان بسیاینې لپاره دا کار کوي.