د لاسرسۍ وړ لېنکونه

تازه خبر
دوشنبه ۲۹ وږی ۱۴۰۰ کابل ۰۶:۳۷

له اګسټ میاشتې وروسته هم د بهرنیو ځواکونو د احتمالي حضور دوام


د کابل په هوايي ډګر کې یو امریکايي سرتیری

یو شمېر بهرنی رسنۍ وايي، امریکا او متحدین یې ممکن د اګسټ میاشتې له ۳۱مې نېټې وروسته هم په افغانستان کې خپل نظامي حضور ته دوام ورکړي.

رویټرز خبري اژانس په یو راپور کې ویلي چې اسټرالیا په ډېر احتمال سره غواړي د روانې میلادي میاشتې له پای ورسته هم په افغانستان کې خپل سرتیري وساتي.

راپور کې راغلي، د روانې اګسټ میاشتې ۳۱مه نېټه په افغانستان کې د بهرنيو ځواکونو د وتلو ورستۍ نېټه وه، خو د کابل په هوايي ډګر کې وروستیو تحولاتو دغه چاره یو څه ټکنۍ کړه.

رویټرز دغه شان د امریکا د جمهور رییس جو بایډن له قوله هم لیکي چې امریکا په ډېر احتمال سره غواړي افغانستان کې خپل نظامي حضور د اګسټ میاشتې له ۳۱مې نېټې وروسته هم وغځوي.

د راپور پر بنسټ، ښاغلي بایډڼ له ای بي سي ټلوېزیون سره په مرکه کې ویلي چې لاهم په کابل کې امریکایان بند پاتې او دغه چاره به د دې لامل شي چې امریکايي پوځیان هلته پاتې شي.

اوس مهال امریکا، اسټرالیا، بریتانیا او ترکیې د حامد کرزي په نړېوال هوايي ډګرکې خپل ګن شمېر سرتیري ځای پرځای کړي دي.

د امریکايي رسنیو د راپورونو له مخې امریکا تر دا مهال له خپلو متحدینو سره په ګډه شااوخوا ۲۲ زره کسان چې په کې بهرنیان او افغانان شامل دي د حامدکرزي له نړېوال هوايي ډګره ایستي دي.

د راپورونو پر بنسټ دغه چاره اوس هم په چټکۍ سره روانه ده او تمه کېږي چې د اګسټ میاشتې تر پایه پورې دغه بهیر دوام ولري.

د راپورونو پر بنسټ د دغه پروسې د بشپړولو لپاره ۶۰۰۰ امریکايي سرتیري د حامد کرزي نړیوال هوايي ډګر کې ځای پرځای شوي دي.

یوه اوونۍ وړاندې طالبانو د افغانستان له یو ولایت، پنجشیر پرته نور ټول ولایتونه ترخپل کنټرول لاندې راوستل چې ورسره جوخت ډېرو افغانانو له افغانستانه د وتلو په نیت د کابل نړېوال هوايي ډګر ته مخه کړه.

اوس په دغه ډګر کې هېڅ ملکي الوتنه نه کېږي او د مسافر پرمخ تړلی دی.

XS
SM
MD
LG