د لاسرسۍ وړ لېنکونه

تازه خبر
یکشنبه ۱۰ زمری ۱۴۰۰ کابل ۰۵:۳۴

د کرکټ افغان ملي لوبډلې د روزنیز کمپ دوهم پړاو پای ته ورسېد


آرشیف، د کرکټ افغان ملي لوبډله

د افغانستان د کرکټ ملي لوبډلې د روزنیز کمپ دوهم پړاو هم پای ته ورسېد.

دا روزنیز کمپ نړیوالې شورا د غوره لیګ سیالیو په لړ کې د پاکستان پر وړاندې د لوبو ترڅنګ د روان کال يو شمېر نورو نړیوالو یو ورځنیو لوبو لپاره د چمتووالي په موخه په پلازمېنه کابل کې جوړ کړی و چې پرون پای ته ورسېد.

د افغانستان د کرکټ بورډ ویاند فرید هوتک نن ازادي راډيو ته وویل چې دغه کمپ د روانې جولای میاشتې په ۶مه پیل شوی و چې د ملي لوبډلې ۲۸ لوبغاړو په کې برخه درلوده.

د نوموړي په وینا په یاد کمپ کې د مشر روزونکي لانس کلوزنر، نورو نړیوالو روزونکو او د اتو افغان روزونکو له خوا د لوبغاړو د توپ اچونې، توپ وهنې او ډګر ساتنې په برخو کې د هغوی د مهارتونو کار وشو.

دغه شان په دغه کمپ کې د ملي لوبغاړو ترمنځ د دوو لوبډلو له جوړولو وروسته درې خپل منځي تمریناتي لوبې هم ترسره شوې.

د یادونې وړ ده چې د دغه کمپ لومړی پړاو د تېرې میاشتې په لسمه نېټه د شااوخوا ۳۰ لوبغاړو ترمنځجوړ شوی و چې ۱۵ ورځې یې دوام وکړ.

XS
SM
MD
LG