د فوټبال له ۱۷ کلونو د کم عمره نجونو افغان لوبډله د مرکزي اسیا د فوټبال په سیالیو نن چهارشنبه (د چنګاښ په ۱۶مه نېټه) له ازبیکستان سره مخ کېږي.
دا په دې سیالیو کې د افغان لوبډلې درېیمه او وروستۍ لوبه ده.
د فوټبال فدراسیون د دې سیالیو د ګټلو هیله څرګنده کړې ده.
د فوټبال فدراسیون ویاند فیروز مشعوف نن ازادي راډیو ته وویل چې لوبډله بشپړ چمتووالی لري.
د افغانستان د فوټبال له ۱۷ کلنو کم عمره لوبډلې په روانو سیالیو کې تر دې وړاندې له ایران او تاجیکستان څخه ماتې خوړلې ده.
له ایرانه ٦ د صفر پر وړاندې او له تاجکستانه ۲ د ۵ په مقابل کې ماتې وخوړه.