د امریکا متحده ایالاتو ولسمشر جو بایډن وايي، کرونا ویروس نور د امریکايي وګړو پر ژوند کنټرول نهلري.
خو ولسمشر بایډن وویل، دغه ویروس لا هم ختم شوی نهدی او ده خلک وهڅول چې د هېوادپالنې حس د ښوولو لپاره دې واکسین وکړي.
جو بایډن پرون د جولای پر څلورمه د امریکا د خپلواکۍ ورځې په مناسبت شااوخوا ۱،۰۰۰ روغتیايي کارکوونکي او نور کسان چې د ویروس په وړاندې د مبارزې په لومړۍ کرښه کې وو، په سپینه ماڼۍ کې مېلمانه کړي وو.
د امریکا ولسمشر زیاته کړه، دوی اوسمهال تر بل هر وخت د کرونا له وژونکي ویروس څخه د خپلواکۍ اخیستلو ته نږدې شوي دي.
د امریکا په متحده ایالاتو کې ۶۷ فیصده بالغو وګړو، د کرونا ضد واکسین لږ لږه یوه ستن لګولې ده.
ولسمشر بایډن تر جولای میاشتې پورې د ۷۰ فیصده امریکايي وګړو د واکسین کېدلو هدف ټاکلی و.