په هندوستان کې په کرونا ویروس د مړو شمېر تر ۴۰۰ زرو واوښت.
د کرونا ویروس دلتا بڼې چې لومړی په دغه هېواد کې ثبت شوه، په نړۍ کې د دې وبا د بلې څپې د خپرېدو په اړه اندېښنې ولاړې کړې دي.
په نړۍ کې په کرونا ویروس د مړو شمېر نږدې څلورو ملیونو کسانو ته رسېدلی، خو د روغتیا نړیوال سازمان چارواکي اټکل کوي چې واقعي شمېر ښايي تر دې دوه یا درې برابره زیات وي.
د هند د روغتیا وزارت نن جمعه د ۲۴ ساعتونو په لړ کې په کرونا ویروس د ۸۵۳ کسانو مړینه ثبت کړې ده.