د لاسرسۍ وړ لېنکونه

تازه خبر
شنبه ۴ چنګاښ ۱۴۰۱ کابل ۰۳:۵۵

د اسرائیل د بهرنیو چارو وزیر ابوظهبۍ ته ورسېد؛ النهیان: لَپید تاریخ جوړ کړ


د اسرائیل د بهرنیو چارو وزیر یایر لَپید

د متحده عرب اماراتو پلازمېنه ابوظبۍ، د اول وار لپاره د اسرائیل د یوه تر ټولو لوړ رتبه ډیپلومات کوربنه ده.

د اسرائیل د بهرنیو چارو وزیر یایر لَپید (Yair Lapid) پرون سې شنبه) د چنګاښ ۸مه) متحده عرب اماراتو ته لاړ چې له خپل سیال عبدالله بن زید النهیان سره وګوري.

النهیان د لپید د هرکلي پر مهال وویل چې دی متحده عرب اماراتو ته په خپل تګ سره تاریخ جوړوونکی شو.

بل خوا د اسرائیل د بهرنیو چارو وزیر یایر لپید پرون په متحده عرب اماراتو کې د اسرائیل د سفارت تر پرانیستو وروسته وویل: "اسرائیل له خپلو ټولو ګاونډیانو سره سوله غواړي. موږ بل ځای نه ځو، منځنی ختیځ زموږ کور دی، موږ دلته د استوګنې په نیت حضور لرو. د سیمې له ټولو هېوادونو غواړو چې دا موضوع درک کړي او خبرې راسره وکړي."

لپید عرب اماراتو کې د اسرائیل د سفارت تر پرانیستو وروسته وویل: اسرائیل له خپلو ټولو ګاونډیانو سره سوله غواړي
لپید عرب اماراتو کې د اسرائیل د سفارت تر پرانیستو وروسته وویل: اسرائیل له خپلو ټولو ګاونډیانو سره سوله غواړي

تمه کېږي، دواړه لوړ رتبه ډیپلوماتان، تر ډېره د سیمې پر وضعیت له دې جملې د ایران د اټمي پروګرام په اړه خبرې وکړي.

متحده عرب اماراتو او اسرائیل دواړو ایران د سیمې لپاره تر ټولو لوی خطر بللی دی.

د امریکا متحدو ایالاتونو چې د پخواني ولسمشر ډونالډ ټرمپ ادارې پر مهال د اسرائیل او متحده عرب اماراتو ترمنځ د اړیکو د نږدې کولو هڅه کړې وه، اوس یې د دواړو وزیرانو د کتنې هرکلی کړی دی.

د امریکا د متحدو ایالاتونو د بهرنیو چارو وزیر انتوني بلېنکن، د وزیرانو پرونۍ کتنه د اسرائیل، متحده عرب اماراتو او سیمې لپاره مهمه بللې ده.

بلېنکن د سې شنبې په ورځ په یوه اعلامیه کې وویل، له دواړو هېوادونو سره له نږدې کار کوي چې دوی په ټولو برخو کې خپلې اړیکې پیاوړې کړي.

انتوني بلېنکن، د وزیرانو کتنه د اسرائیل، متحده عرب اماراتو او سیمې لپاره مهمه بللې.
انتوني بلېنکن، د وزیرانو کتنه د اسرائیل، متحده عرب اماراتو او سیمې لپاره مهمه بللې.

نهه میاشتې مخکې د متحده عرب اماراتو او اسرائیل ترمنځ د اړیکو د عادي کولو تر پرېکړې وروسته، دواړو د یو بل په هېوادونو کې د سفارتونو د پرانېستلو اقدام وکړ.

په تېرو دوو لسیزو کې له اسرائیل سره د کوم عربي هېواد د اړیکو عادي کېدل کومه مخینه نه لري.

تردې مخکې مصر په ۱۹۷۹ او اردن په ۱۹۹۴م کال کې له اسرائیل سره ډیپلوماتیکې اړیکې ټینګې کړې وې.

XS
SM
MD
LG