د هند صدراعظم ناریندرا مودي له زیاتېدونکو فشارونو سره مخامخ دی چې د کرونا ویروس د مخنيوي لپاره نور محدودیتونه ولګوي.
ډېری صحي کارپوهانو، د اپوزیسیون مشرانو او د سترې محکمې قاضیانو پر حکومت غږ کړی چې د ټول هېواد په کچه په ښارونو کې ټولبند ولګوي.
د هند له ۲۸ فدرالي ایالتونو څخه له لسو زیاتو هغو یو لړ محدودیتونه لګولي، خو د ټول هېواد په کچه د ښارونو ټولبند نه دی اعلان شوی.
دا په داسې حال کې ده چې کرونا ویروس هند کې په چټکۍ سره د خپرېدو په حال کې دی، په ډېرو ځایونو کې له روغتونونو هغه ناروغان اېستل کېږي چې یوازې د کووېډ- ۱۹ اعراض لري او د مړیو د ساتنې او خښولو لپاره ځانګړي ځایونه هم له ستونزو سره مخامخ دي.
هند په تېره یوه اوونۍ کې د کرونا درې میلیونه مثبت موارد او هره ورځ له درې زرو د زیاتو کسانو د مړینې پېښې ثبت کړي.