د روغتیا نړیوال سازمان 'ډبلیو.اېچ.او' د کرونا ضد هغه واکسین ته بېړنۍ اجازه ورکړه چې د چین د دولتي شرکت سینوفارم له خوا تولید شوی دی.
دا له لویدیځو هېوادونو بهر لومړنی تولید شوی واکسین دی چې د 'ډبلیو.اېچ.او' ملاتړ له ځان سره لري.
تراوسه میلیونونه کسانو په چین کې دغه واکسین کړی او د نړۍ په ۴۵ نورو هېوادونو کې هم پر خلکو تطبیق شوی دی.
د روغتیا نړیوال سازمان سلاکارانو د دغه واکسین اغېزمنتیا ۷۹ فیصده یاده کړې ده.
دا واکسین کولی شي له اتلسو کلونو پورته کسانو بدن کې د کرونا ضد معافیت رامنځته کړي.