د لاسرسۍ وړ لېنکونه

تازه خبر
سه شنبه ۲۸ غویی ۱۴۰۰ کابل ۰۳:۴۷

د هند د کرکټ سوداګریز لیګ یا 'ای.پي.اېل'  تر نامعلومې نېټې وځنډېد


ارشیف، د 'ای.پي.اېل' لوبې

په هندوستان کې د کرکټ سوداګریز لیک 'ای.پي.اېل' د کرونا ویروس له کبله تر نامعلومې مودې وځنډول شو.

دا پرېکړه هغه مهال وشوه چې پرون د کلکتې نايټ رايډرز لوبډلې د څلورو لوبغاړو د کرونا ویروس ټېسټ مثبت ثابت شو.

د هندوستان کرکټ بورډ ويلي، په هند کې د کرونا ویروس چټکه خپرېدا او د 'ای.پي.اېل' لیګ د ځينو لوبغاړو اخته کېدل دوی اړ کړل چې دا لوبې تر نامعلومې نېټې پورې وځنډوي.

تر اوسه د دې ليګ ۳۰ لوبې ترسره شوي او ناتایید شوي راپورونه وايي چې ښايي پاتې نورې ۳۰ لوبې يې د مې مياشتې په دېرشمه نېټه پيل شي.

XS
SM
MD
LG