د افغانستان د پارالمپیک مسوولین وايي، د معیوبینو د رمضان جام سیالۍ یې راتلونکې اونۍ ته ځنډولي.
د دغه المپیک د نشراتو برخې مسوول کبیر خوشبین نن شنبې (د غویي په ۱۱مه) ازادي راډيو ته وویل، ټاکل شوې چې نن د دغه جام لومړۍ پړاو سیالۍ د نښان ویشتنې او پېنګ پانګ برخو کې د معیوبینو ترمنځ پیل شوي وای، خو د ځینو تخنیکي ستونزو او د لوبغاړو د نه چمتوالي له امله دغه جام سیالۍ راتلونکي اوونۍ ته وځنډول شوې.
د افغانستان د پارالمپیک مسولینو د دې جام د پیل هدف د غوره څېرو پېژندل ښودلي.