تمه ده چې د روغتیا نړیوال سازمان د واکسین د خوندیتوب برخې متخصصان نن د استرازینیکا واکسین په اړه بحث وکړي.
دا پرېکړه وروسته تر دې وشوه چې د استرازینیکا واکسین تر تطبیق وروسته د وینې د غوټه کېدو په اړه اندېښنې څرګندې شوې.
د روغتیا نړیوال سازمان له هېوادونو غوښتي چې د کرونا ویروس پر ضد د بریتانیا او سویډن دغه ګډ جوړ کړی واکسین ونهدروي.
د دغه سازمان په باور، داسې هېڅ نښې نهشته چې د وینې غوټه کېدل دې له استرازینیکا واکسین سره ارتباط ولري.
یو شمېر لویو اروپایي هېوادونو جرمني، فرانسې او ایټالیا د دوشنبې په ورځ اعلان وکړ چې د دغه واکسین ورکړه به وځنډوي.
پرتګال، اسپانیا، لتویا او سلوانیا هم بیا له دغو هېوادونو سره یوځای شول. تر دې مخکې هالنډ، بلغاریا، ایرلنډ، ډنمارک او ناروې د استرازینیکا واکسین درولی و.