د لاسرسۍ وړ لېنکونه

تازه خبر
دوشنبه ۲۳ وری ۱۴۰۰ کابل ۰۸:۳۱

اروپا کې د کرونا ستونزه؛ اسټرازِنِکا د واکسینو په رسولو کې راغلی کمی پوره کوي


اسټرازِنِکا واکسین

د درمل جوړولو دا انګلیسي – سوېډڼي شرکت لا دمخه له دې کبله تر فشار لاندې دی چې څو هېوادونو د وینې د غوټه کېدو له وېرې د دې اسټرازِنِکا واکسینونو عملي کول وځنډول.

ځینې هېوادونو د دې سربېره چې د روغتیا نړیوال سازمان او د اروپا د درملو معیار تاییدونکې ادارې د اسټرازِنِکا واکسین خوندي بللی، د دې واکسینونو کارول ځنډولي دي.

د دې واکسین د خونديتوب په اړه اندېښنې داسې مهال راپورته کېږي چې اسټرازِنِکا ویلي، د صاداراتو برخه کې محدودیتونو د دوی مخه نیولې چې له خپلې نړیوالې شبکې د واکسینونو ستنې ترلاسه کړي، څو اروپايي ټولنه کې د دې واکسینونو د رسولو برخه کې خپل کمی پوره کړي.

په عین حال کې اتریش، چک جمهوریت، سلوېنیا، بلغاریا، کروشیا او لاتویا د اروپايي ټولنې ترمنځ د خبرو غوښتنه کړې، څو د واکسینونو د ویش برخه کې د رامنځته شوي هغه څه په اړه خبرې وکړي چې دوی "لوی توپیر" بللی دی.

اروپايي شورا او کمېسیون ته د دې شپږو هېوادونو له خوا د شنبې په ورځ په استول شوي ګډ لیک کې ویل شوي: "که دا سیستم مخکې یوړل شي، دا به د اروپايي ټولنې د غړیو هېوادونو ترمنځ تر دې دوبي پورې لوی توپیر رامنځته کړي. داسې چې ځینې هېوادونه به په څو اونیو کې د کرونا پرضد معافیت ترلاسه کړي او یو شمېر نور به شاته پاتې شي."

پر دې سربېره چې دې شپږ هېوادونو شکایت کړی چې اروپايي ټولنه کې واکسین عادلانه نه ویشل کېږي اروپايي کمېسیون د کووېډ-۱۹ د واکسینونو د وېش برخه کې د خپلې پالیسۍ دفاع کړې.

په بریتانیا او د امریکا په متحدو ایالاتونو کې د کرونا ضد واکسینونو برخه کې شوي پرمختګ ته په پام پر بروکسل د اسټرازِنِکا او نورو درمل جوړونکو کمپنیو له خوا د جوړېدونکو کرونا ضد واکسینونو د ورو پیل او ویش له کبله تُند انتقادونه په زیاتېدو دي.

د فرانسې صدراعظم ژان کاستکس سربېره پردې چې ځینو هېوادونو د اسټرازِنِکا د واکسینونو په اړه اندېښنې څرګندې کړي، د دې واکسینونو دفاع کړې او ویلي یې دي، حکومت یې غواړي چې د اپریل تر۱۵مې نېټې د فرانسې لس میلهونه وګړو ته واکسین ورسوي.

د فرانسې صدراعظم ژان کاستکس
د فرانسې صدراعظم ژان کاستکس

نوموړي د واکسینونو د یو مرکز د لیدنې پر مهال وویل:"زه به ځان ته دا اجازه ورنه کړم چې خپلو هېوادوالو ته زهر ورکړم" چې اشاره یې د اسټرازِنِکا د واکسینونو د خوندیتوب په اړه راپورته شویو اندېښنو ته وه.

دا زیاتیدونکې ستونزې داسې مهال دي چې څو اروپايي هېوادونه د کرونا وبا له دریېمې څپې سره مخ دي، هغه څپه چې د کووېډ-۱۹ نوې بڼې چې تر نورو ډېره چټکه خپریدونکې او وژونکې ده، پیاوړې کړې ده.

  • جرمني کې خبرداری ورکړل شوی

د جرمني روغتیايي متخصصانو د محدودیتونو د نورې نرموونې پر ضد خبرداری ورکړی دی او وړاندوینه یې کړې چې راتلونکو اونیو کې ښايي د کرونا پېښې زیاتې شي.

د خبرداري سربېره د شنبې په ورځ د جرمني په ښارونو کې زرګونه کسان له هغو اعتراضونو سره یوځای شول چې د کرونا وبا له کبله پر لګېدلو روغتیايي تدابیرو راپورته شوي.

جرمني
جرمني
  • ایټالیا محدودیتونه زیات کړي

د څو نورو هېوادونو په تعقیب د راتلونکې ایستر د رخصتیو مخکې او وروسته محدودیتونه زیات کړي.

د اپریل له درېیمې تر پنځمې پورې به د ایټالیا په ډېرو برخو کې په لوړه کچه ښار بندۍ وي. خو حکومت ویلي چې یو لړ محدودیتونه به سر له دوشنبې نافذ کړي.

د مرکزي او ختیځې اروپا ځینو برخو کې د کووېډ-۱۹ هغه بڼه چې لومړۍ بریتانیا کې ولیدل شوه په چټکۍ خپریږي.

دې برخه کې هنګري د شنبې په ورځ د کووېډ-۱۹ تر ټولو زیاتې نوې پېښې ثبت کړي دي.

XS
SM
MD
LG