د چین یوه روغتیايي اداره وايي، په پام کې ده، د دغه هېواد له ۷۰ تر ۸۰ فیصدو پورې وګړي د ۲۰۲۲ میلادي کال تر نیمايي پورې د کرونا ویروس پر وړاندې واکسین شي.
د چین د ناروغیو د کنټرول ادارې مشر، ګاو فو پرون شنبه (د کب ۲۳مه) وویل، چین به خپل یو میلیارد او ۹۰۰ میلیونه وګړو ته د کرونا ضد څلور تصویب شوي واکسینونه ولګوي.
ګاو فو د چین دولتي ټلوېزیون CGTN ته وویل: چین هیله من دی چې وکړای شي په نړۍ کې د خپلو خلکو په خوندیتوب کې مخکښ وي.
په چین کې د فبرورۍ میاشتې تر وروستۍ پورې ۵۲ میلیونه او پنځه لکه وګړي واکسین شوي دي.
کرونا ویروس لومړی د ۲۰۱۹میلادي کال په ډسمبر میاشت کې د چین له ووهان ښار څخه نورې نړۍ ته خپور شو.