د لاسرسۍ وړ لېنکونه

تازه خبر
جمعه ۳ غویی ۱۴۰۰ کابل ۰۹:۴۵

افغانستان ته د کواکس نړیوال ائتلاف مرسته شوی کرونا ویروس ضد واکسین ورسېد


ارشیف، له افغانستان سره د کرونا ویروس ضد مرسته شوی واکسین

د 'کووېډ-۱۹'ضد هغه واکسین لومړني څو لکه دوزه نن کابل ته ورسېدل چې کواکس نړیوال ائتلاف‌یې له افغانستان سره د مرستې ژمنه کړې ده.

د افغانستان د روغتیا وزارت نن په یوه خپره کړې خبرپاڼه کې وویل چې د استرازینیکا ۴۶۸ زره دوزه واکسین د هند له ممبیي ښار څخه په یوه الوتکه کې نن د کابل هوایي ډګر ته راورسېدل.

د خبرپاڼې له مخې افغانستان د جنوبي اسیا هېوادونو لومړنی هېواد دی چې د کواکس له‌خوا دغه واکسین ترلاسه کوي. کواکس چې د نړۍ له بې‌وزلو هېوادونو سره د واکسین مرسته کوي، له افغانستان سره‌یې د درې ملیون دوزه واکسین د مرستې ژمنه کړې ده.

په افغانستان کې د 'کووېډ-۱۹' ناروغۍ ضد د استرازینیکا هغه واکسین د تطبیق بهیر له یوې مودې راهیسې پیل شوی چې پنځه لکه دوزه هند افغانستان ته ورکړي دي.

XS
SM
MD
LG