د لاسرسۍ وړ لېنکونه

تازه خبر
یکشنبه ۲۲ وری ۱۴۰۰ کابل ۰۸:۰۵

یو شمېر هېوادونو کې د کرونا پرضد د واکسین تطبیق روان دی


ګانا کې د کرونا ویروس پر ضد واکسین پیل شوی

د نړۍ په یو شمېر هېوادونو کې د کرونا ویروس پر ضد د واکسین تطبیق روان دی.

د ګانا ولسمشر نانا- اکوفو- ادو لومړنی کس دی چې د کوواکس په نوم د واکسین د نړیوال کمپاین په ترڅ کې د کرونا واکسین ورکړل شو.

ادو او د هغه مېرمنې ته پرون د مارچ په لومړۍ نېټه په هغو مراسمو کې چې جریان یې پر ټلوېزیون خپرېده، د کرونا ضد اسټرا زینېکا واکسین ورکړل شو.

نوموړي وویل، دی غواړي د لویدیځې افریقا د دې هېواد خلکو ته وښيي چې واکسین اغېز لري.

کوواکس د نړۍ له بې وزلو هېوادونو سره د واکسین په برخه کې د مرستې نړیوال پروګرام دی.

په امریکا کې تردې دمه پنځوس میلیونه کسانو چې د ټولو وګړو په سلو کې پنځلس جوړوي، د کرونا ضد واکسین لږترلږه یو ډوز ترلاسه کړی دی.

د واکسین په برخه کې د پرمختګ خبرونه داسې مهال ورکول کېږي چې په بریتانیا کې د یوې څېړنې موندنو ښودلې چې د فایزر او استرا زینېک شرکتونو واکسینونه په تېره په هغو زړو خلکو کې ښه نتیجه ورکړې چې جدي ناروغۍ لري.

د څېړنې له مخې دې واکسینونو د ناروغانو د بستر کېدو موارد په سلو کې اتیا راکم کړي دي.

په همدې حال کې د چین د روغتیا چارواکو د کرونا ضد واکسین د کمپاین په اړه تازه جزئیات خپاره کړي او ویلي یې دي چې تر را روانې جون میاشتې پورې به د دې هېواد د یو اعشاریه څلور میلیارد وګړو په سلو کې څلوېښت واکسین شي.

XS
SM
MD
LG