د لاسرسۍ وړ لېنکونه

تازه خبر
چهارشنبه ۱۳ کب ۱۳۹۹ کابل ۰۶:۲۴

د پاکستان پوځ یوه الوتکه له چین د کرونا ویروس ضد واکسین لومړۍ بسته لېږدوي


ارشیف، د چین کرونا ویروس ضد واکسین

د پاکستان د پوځ یوه الوتکه پرون یکشنبه چین ته لاړه چې د کرونا ویروس ضد واکسین لومړۍ بسته پاکستان ته ولېږدوي.

په پام کې ده، دغه الوتکه پاکستان ته په چین کې د جوړ شوي واکسین سینوفارم (SinoPharm) ۵۰۰ زره دوزه چې چینايي چارواکو یې پاکستان ته د ورکړې ژمنه کړې وه، پاکستان ته یوسي.

پاکستان غواړي لومړی روغتیايي کارکوونکو ته دغه واکسین ولګوي او لږ تر لږه ۴۰۰ زره روغتیايي کارکوونکو د دغه واکسین لپاره نوم‌لیکنه کړې ده.

د پاکستان د روغتیا وزارت د شنبې په ورځ اعلان کړی و چې دغه هېواد د استرازینیکا واکسین ۱۷ ملیونه دوزونه هم ترلاسه کړي دي.

دغه واکسین د بریتانیا او سویډن د درمل جوړولو شرکت تولید کړی دی.

XS
SM
MD
LG