د لاسرسۍ وړ لېنکونه

تازه خبر
دوشنبه ۱۸ کب ۱۳۹۹ کابل ۰۲:۱۸

بوداپست کې د کرونا له کبله د لګول شویو محدودیتونو ضد مظاهرې وشوې


هنګري کې مظاهره

په زرګونه کسانو د هنګري په پلازمېنه بوداپست کې د کرونا ویروس له کبله پر لګول شویو محدودیتونو په اعتراض راووتل.

مظاهره‌چیانو چې ماسکونه‌یې درلودل، خو په عامه د خلکو د نه‌راټولېدو اصول‌یې تر پښو لاندې کړل.

بل‌خوا په پلازمېنه بوداپست کې لږ تر لږه ۱۰۰ رستورانتونو ویلي چې سر له نن دوشنبه به خپل کار و بار د حکومت له اخطار سره سره بېرته پرانیزي.

حکومت خبرداری ورکړی چې د دغسې اقدام په صورت کې به د کار و بار خاوندان ۱،۷۰۰۰ ډالره جریمه شي.

د کرونا ویروس د لا خپرېدو مخنیوي لپاره د شپې له‌خوا ګرځبندیز لګول شوی، منځني ښوونځي، رستورانتونه او کافي شاپونه تړلي دي.

په هنګري کې په کرونا ویروس تر اوسه تر ۱۲،۵۰۰ ډېر کسان مړه شوي دي.

XS
SM
MD
LG