د لاسرسۍ وړ لېنکونه

تازه خبر
شنبه ۱۶ کب ۱۳۹۹ کابل ۰۵:۵۴

کرکټ؛ افغانستان ایرلېنډ ته د ۱۶منډو په توپیر ماته ورکړه


افغان کرکټ لوبډله

د افغانستان د کرکټ ملي ټیم له ایرلېنډ سره د یو- ورځنیو لوبو د لړۍ لومړۍ مسابقه وګټله.

د دواړو هېوادونو ترمنځ د کاردان جام د درېیو یو- ورځنیو لوبو دا لړۍ په ابوظبۍ کې پیل شوه.

د افغانستان د کرکټ بورډ ویاند فرید هوتک له ازادي راډیو سره په خبرو کې د لوبې پر جزئیاتو رڼا واچوله: "د افغانستان د کرکټ ملي لوبډلې د کاردان جام په لومړۍ لوبه کې ایرلېنډ ته د ۱۶ منډو په توپیر ماته ورکړه. په دې لوبه کې افغانستان د ایرلنډ لپاره د ۲۸۸ منډو هدف وټاکه، خو د ایرلېنډ ټیم ونه شو کړای دې هدف ته ورسېږي."

په دې لوبه کې ځوان افغان لوبغاړی رحمت الله ګوربز د ۱۲۷ منډو په جوړولو سره ډېر ښه وځلېد.

همدا راز د افغانستان د کرکټ ستوري راشدخان ارمان په ۳۰ بالونو ۵۵ منډې وکړې.

د افغانستان او ایرلېنډ دوهمه یو- ورځنۍ لوبه د یکشنبې په ورځ په پام کې ده.

XS
SM
MD
LG